Presidenti amerikan, Barack Obama ka thënë se Shtetet e Bashkuara po e vëzhgojnë nga afër dhe me kujdes protestat në Hong Kong, dhe ka kërkuar që të gjindet një zgjidhje paqësore.
Obama i ka bërë këto komente të mërkurën, gjatë një takimi që ka zhvilluar me Ministrin e Jashtëm të Kinës, Wang Yi, në Shtëpinë e Bardhë.
“Shtetet e Bashkuara e përkrahin dhe mbështesin kërkesën që në Hong të ketë zgjedhje të lira që është esenciale për stabilitetin e vendit’, thuhet në një deklaratë të Shtëpisë së Bardhë.
Por, Ministri i Jashtëm, Wang Yi ka thënë se protestat janë ‘çështje e brendshme e Kinës’, dhe ka kërkuar që shtetet tjera të respektojnë sovranitetin e saj.
Protestuesit, po shprehin pakënaqësitë e tyre për vendimin e Kinës, që për zgjedhjet e vitit 2017, të gjithë kandidatët garues, fillimisht të marrin leje nga shteti.
Ata po vazhdojnë me protesta, duke kërkuar zgjedhje të lira dhe demokratike, si dhe dorëheqjen e zyrtarëve të lartë shtetërorë.