Sulaiman Abu Ghaith, dhëndërr i Osama bin Ladenit, sot pritet të paraqitet para një gjykate në Shtetet e Bashkuara, ku ballafaqohet me mundësinë e dënimit me burgim të përjetshëm, për rastin e tij të terrorizmit.
Ai ishte dënuar në muajin mars për akuza për konspiracion për të vrarë amerikanë në rolin e tij si zëdhënës i al-Kaidës.
Ky imam nga Kuvajti ishte bërë zë i videoshiritave për rekrutim të al-Kaidës, pas sulmeve të 11 shtatorit.
Ai kishte tërhequr vërejtjen se “stuhia ndaj aeroplanëve” nuk do të ndalej.
Sulaiman Abu Ghaith gjatë procesit kundër tij tha se roli i tij ishte në mënyrë strikte religjioz, ndërsa mbrojtja e tij ka propozuar dënim me 15 vjet burg.