SHBA me program për parandalimin e xhihadistëve

Bota

SHBA me program për parandalimin e xhihadistëve

Më: 16 shtator 2014 Në ora: 08:59

SHBA kanë nisur një program të parandalimit të bashkimit së shtetasve amerikanë grupeve terroriste nga radhët e Shtetit Islamik të Irakut dhe Sirisë ose ISIS.

Ky program, siç njoftoi Departmenti i Drejtësisë dhe Shtëpia e Bardhë, ka filluar në disa qytete amerikane, sidomos në ato që kanë përqindje të të rinjve me përkatësi myslimane. Ky program, sipas prokurorit të Përgjithshëm Erick Holder, do të përfshijë bashkëpunimin e përfaqësuesve të komuniteteve, liderëve fetarë dhe zyrtarëve të sigurisë. Burimet e inteligjencës dhe të ushtrisë amerikane thonë se mbi njëqindë shtetasë amerikanë po luftojnë në radhët e grupeve ekstremiste në Lindjen e Mesme dhe ka edhe të tjerë që aspirojnë t’u bashkangjiten. Autoritetet qeveritare amerikane kanë shpeshtuar kontaktet me xhamitë për të dekurajuar gjuhën inflamatore nga imamët, roli i të cilëve në disa raste konsiderohet të ketë qenë nxitës për pelegrinazhe xhihadiste.

“Synimi i këtij programi do të jetë të ndërtojë një rrjet të gjerë te partneriteteve në komunitet për të ruajtur sigurinë e vendit,” tha Holder.
Prokurori tha më tej se Byroja federale e Hetimeve (FBI) dhe agjenci të tjera të zbatimit të ligjit po bashkëpunojnë me partnerët ndërkombëtarë, përfshirë agjencinë globale policore Interpol, ‘për të shpërndarë informacione mbi luftëtarët e huaj në Siri dhe Irak, përfshirë edhe individë që kanë udhëtuar nga SHBA.’

Sot mund të lexoni Shfletoni kopertinat