Rusia do të përdorë ca para, fillimisht të destinuara për pensione, për të mbledhur një fond anti-krizë, i cili do të ndihmojë kompanitë e prekura nga sanksionet perëndimore.
Shtetet e Bashkuara dhe Bashkimi Evropian kanë kufizuar qasjen e disa kompanive ruse në kapitalin e tregjeve, me shpresë për të bindur Kremlinin që të ndryshojë sjelljen e tij në Ukrainë.
Kompanitë, që përfshijnë gjigantin shtetëror të naftës Rosneft, kanë kërkuar ndihmë nga qeveria.
Agjencia RIA Novosti citon ministrin e Financave, Anton Siluanov, të ketë thënë se vendimi për të ndaluar transferimin e parave në Fondin e Pensioneve do t’i sjellë buxhetit 309 miliardë rubla shtesë (8.18 miliardë dollarë) në vitin 2015.
“Kjo do të na mundësojë që t’iu ndihmojmë kompanive”, ka thënë Siluanov.