Prerja e kokave dhe brutaliteti i ekstremistëve në Lindjen e Mesme, përbëhet nga xhihadistë që pretendojnë se kanë ngritur kalifatin e quajtur “Shteti Islamik”. Por për identifikimin e këtij organizimi po përdoren disa emra.
Pas vrasjeve makabre me prerje koke, të shtetasve amerikanë dhe britanik, kryeministri David Cameron tha se Britania të angazhohet për ta shkatërruar ISIL-in. Në mënyrë të ngjashme, edhe presidenti amerikan Barack Obama, tha se, Shtetet e Bashkuara po përgatiten për të filluar sulmin ndaj ISIL.
Të tjerët këtij grupi vazhdojnë t’i referohen si ISIS, duke shtyrë që shumë kompani botëore që mbajnë këtë emër, ta ndërrojnë atë.
Grupi xhihadist vetën e deklaron si “Shteti Islamik”. Pra, cili është dallimi në mes të tre akronimeve të ndryshme, dhe pse secili prej tyre rezonon politikisht?
Grupi militant është themeluar nga jordanezi Abu Musab al-Zarqawi në vitin 1999, kur ai fillimisht ishte njohur si Jama'at al-Tawhid wel Jihad. Ajo më pas u bë i njohur si “Al-Qaeda në Irak”, duke u bërë pjesë e rrjetit të Osama bin Ladenit në tetor 2004, transmeton Lajmi.net.
Që atëherë, ky grup ka operuar nën emra të ndryshëm, derisa kreu aktual saj, Ebu Bekr al-Bagdadi, më 29 qershor 2014, zyrtarisht deklaroi se kishte krijuar një shtet islamik në të gjithë pjesët e Irakut të veriut dhe të Sirisë.
Në arabisht, grupi është i njohur si Al-Dewle Al-Islamiya fi al-Iraq we al-Sham, apo Shteti Islamik i Irakut dhe al-Shamit. Termi “al-Sham” i referohet një rajoni që shtrihet nga Turqia jugore përgjatë Sirisë e deri në Egjipt (duke përfshirë edhe Libanin, Izraelin, territoret palestineze dhe Jordanin). Qëllimi i deklaruar i grupit është për të rivendosur një shtet islamik, apo kalifat, në gjithë këtë zonë.
Termi standard anglez për këtë territor është “Levant”, e që është arsyeja kryesore pse Obama dhe Cameron e përdorin akronimin “ISIL”.
Megjithatë, disa media amerikane pohojnë se presidenti Obama po përdor termin “ISIL” për të shmangur fjalën “Siri”, të cilën e simbolizon “S”-ja që qëndron te “ISIS”. Mediat thonë se kur flitet për “sulmet në Siri”, kjo është e ndërlikuar për SHBA-të, pasi Obama refuzoi të intervenonte në luftën civile atje kundër presidentit Bashar al-Asad.
Tri shkurtesat:
Shteti Islamik i Irakut dhe Sirisë (ISIS)
Emri origjinal për grupin në arabisht ishte Al-Dawla Al-Islamiya fi al-Iraq wa al-Sham. Tri fjalët e para përkthehen si, Shteti Islamik i Irakut, ndërsa “al-Sham” i referohet Sirisë apo një rajoni të padefinuar rreth Sirisë.
Shteti Islamik i Irakut dhe Levantit (ISIL)
Rajonit të papërcaktuar rreth Sirisë historikisht i është referuar si Levant; ai përfshin Sirinë, Libanin, Izraelin dhe Palestinën dhe Jordaninë. Ky emër tregon se militantët duan që territori i tyre i kontrollit do të duhet të shkojë përtej Irakut.
Shteti Islamik (IS)
Grupi militant njoftoi në qershor se ata kishin larguar dy shkronjat e fundit të akronimit të tyre dhe në vend të kësaj duhet të quhet vetëm si Shteti Islamik.
Megjithatë, në reagim ndaj kësaj myslimanët kryesorë kanë bërë thirrje që emri të ndryshohet për të dekurajuar njerëzit që të bashkohen me këtë grup.
“Kjo nuk është as islame, e as nuk është një shtet. Grupi nuk ka të bëjë me myslimanët e vërtetë”, thuhet në letrën e nënshkruar nga Shoqëria Islamike e Britanisë dhe Shoqata e Avokatëve myslimanë, shkruan The Independent.
