Ligjvënësit pakistanezë kanë dhënë mbështetjen e tyre për kryeministrin Nawaz Sharif, derisa mijëra protestues vazhdojnë të kërkojnë dorëheqjen e tij.
Liderët e disa partive politike kryesore, në një seancë speciale të parlamentit, kanë thënë se ai nuk duhet të bie pre e presionit.
Sharif u ka rezistuar thirrjeve për dorëheqje, por udhëheqësit e protestës, Imran Khan dhe Tahir ul-Qadri, refuzojnë të tërhiqen.
Më herët, ministri i Brendshëm i Pakistanit u ka kërkuar ligjvënësve që t’i japin policisë “udhëzime të qarta” për të trajtuar protestuesit antiqeveritarë në Islambad si “ndërhyrës dhe terroristë”, duke thënë se demonstratat kanë qëllim rebelimin kundër shtetit.
