Anëtarët e milicisë së Libisë e kanë kthyer ambasadën e braktisur amerikane në Tripoli, në një vend pushimesh dhe në një park ujor.
Një video e publikuar në Youtube tregon se si militantët e kanë pushtuar ambasadën dhe përdorin ambientet e saj, kryesisht zonën e pishinës. Pamjet tregojnë se si ata zhyten dhe notojnë në pishinën e ambasadës e cila është braktisur si pasojë e anarkisë dhe dhunës që mbretëron në kryeqytetin e Libisë.
Ambasadori i SHBA-ve në Libi, tha se ambasada nuk është plaçkitur, pavarësisht thashethemeve. Ambasadori Deborah Jones, i cili nuk është aktualisht në Libi, deklaroi se imazhet tregojnë një pjesë të jashtme banimi në kompleksin e ambasadës së SHBA-ve.
Departamenti i Shtetit i SHBA-ve, ende nuk ka bërë një prononcim zyrtar për incidentin në fjalë. Ndërkohë një zyrtar libian deklaroi se ambasada është e mbrojtur dhe se këto akuza janë të papranueshme.
Diplomatët amerikanë e kanë braktisur ambasadën ne kryeqytetin e Libisë, muajin e kaluar si pasojë e trazirave që kanë pushtuar Tripolin.
