Tajvani ka thënë se aeroplanët ushtarakë kinezë e kanë dhunuar hapësirën e tij ajrore.
Një zëdhënës i forcave ajrore të Tajvanit tha se më 25 gusht janë dërguar aeroplanë luftarakë për t’i përcjellur dy aeroplanë kinezë.
Aeroplanët kinezë më vonë u larguann pa ndonjë incident.
Kina i ka hedhur poshtë pretendimet e Tajvanit, duke thënë se ato ishin “fluturime rutinore”.
Ky incident i dyshuar u bë një javë pasi Shtetet e Bashkuara e kanë akuzuar Kinën se një aeroplan i saj ka bërë manovrime të rrezikshme afër një aeroplani amerikan, në hapësirën mbi ujërat ndërkombëtare.
Kina, po ashtu, i kishte hedhur poshtë akuzat amerikane.
Kina dhe Tajvani janë të ndara prej përfundimit të luftës civile në vitin 1949, por Pekini e konsideron këtë ishull se është pjesë e Kinës.