Sekretari amerikan i Shtetit, John Kerry ka arritur në Tel Aviv ku do të bëj përpjekje që t’i jap fund dhunës më të madhe për vite të tëra në mes të Izraelit dhe grupin islamik, Hamas.
“Sekretari Kerry ka arritur në Tel Aviv, Izrael, këtë mëngjes për tu takuar me zyrtarët për të diskutuar përpjekjet për arritjen e armëpushimit”, ka thënë zëdhënësja e Departmentit amerikan të Shtetit, Jen Psaki.
“Ai do të udhëtojë drejt Jerusalemit dhe Bregut Perëndimor, ndërsa do të takohet edhe me Sekretarin e Përgjithshëm të OKB-së, Ban Ki-moon, presidentin e autoritetit palestinez, Mahmud Abbas dhe Kryeministrin izraelit, Benjamin Netanjahu.
