Agjencia për Fëmijë e Kombeve të Bashkuara ka thënë se mbi 700 milionë gra në gjithë botën janë martuar sa kanë qenë fëmijë.
Një raport i UNICEF-it, i publikuar sot, paralajmëron se nëse nuk bëhet asgjë për t’i dhënë fund praktikës së tillë, numri i martesave të vajzave të mitura mund të arrijë në një miliard deri në vitin 2050.
Raporti vjen në kohën kur UNICEF-i dhe Qeveria britanike janë duke bashkëorganizuar një samit të vajzave, me qëllim të mbledhjes së përkrahjes për t’iu dhënë fund martesave të vajzave mitura dhe gjymtimit gjenital të femrave.
