Erdogan: Sikur të ishte Muhamedi në mesin tonë, çka do të na thoshte (Video)

Bota

Erdogan: Sikur të ishte Muhamedi në mesin tonë, çka do të na thoshte (Video)

Më: 20 korrik 2014 Në ora: 22:22

Nëpër rrjetet sociale, po shpërndahet një fjalim i kryeministrit turk për gjendjen në Gaza. Ai fajëson të gjithë botën myslimane për këtë gjendje, mbanë një fjalim emocional por harron të tregoj se çka ka bërë ai për Gazën?
Kryeministri turk, Recep Tayyip Erdogan, ka mbajtur një fjalim rrënqethës në lidhje me “qëndrimin ulur” të botës islame për atë që po ndodhë në Gaza, megjithëse deri tani, as ai nuk ka ndërmarrë diçka në lidhje me këtë çështje.

“Bota po heshtë, fakteqësisht edhe bota islame po heshtë. Po pyes, ku është bota islame. Pse po heshtë bota islame. Pse themi se po heshte Perëndimi kur ne po heshtim vetë. Të gjithë e dimë që në Palestinë po vriten fëmijë. E dimë që po ekzekutohen njerëzit, vëllezërit tanë”, ka thënë Erdogan, në një fjalim që është postuar nga Mesazhi.com, e që duket të jetë duke e mbajtur para krerëve myslimanë në Turqi.

Videoja e Erdoganit, është përcjellur edhe me një muzikë, ku ai paraqitet si një lider i madh i myslimanëve.

“Gjaku i vëllezërve tanë duhet të ndërpritet urgjentisht. Sikur të ishte Muhamedi a.s në mesin tonë, çka do të na kishte thënë? “, thotë veç tjerash Erdogan në fjalim.

Sot mund të lexoni Shfletoni kopertinat