Sekretari amerikan i shtetit, John Kerry, do të udhëtojë drejt Vjenës në fundjavë për t’iu bashkuar bisedimeve për programin bërthamor të Iranit.
Departamenti amerikan i Shtetit ka thënë se Kerry “do që të shohë nëse mund të arrihet përparim” në çështjet, për të cilat ka ende dallime në qëndrime.
Gjashtë fuqitë botërore – Shtetet e Bashkura, Rusia, Kina, Britania, Franca dhe Gjermania – duan që Irani të reduktojë aktivitetet bërthamore, për të cilat druajnë se kanë për qëllim krijimin e armëve atomike.
Bisedimeve në Vjenë pritet t’iu bashkohen edhe ministrat e Jashtëm të Francës, Gjermanisë dhe Britanisë.
Rusia dhe Kina nuk e kanë konfirmuar pjesëmarrjen e kryediplomatëve të tyre.