Ministria e Punëve të Jashtme e Francës ka këshilluar qytetarët që të mos udhëtojnë drejt Jerusalemit, Tel Avivit dhe qyteteve të tjera të Izraelit, të cilat janë shënjestër e sulmeve të Hamasit.
“Ministria rekomandon që të shmangen vizitat në rreth 40 kilometra nga Rripi i Gazës” – sa është edhe gama e shumicës së raketave të Hamasit – thuhet në komunikatën e Ministrisë së Jashmte franceze.
Mbi 80 palestinezë janë vrarë prejse Izraeli ka nisur ofensivën në Gaza më 7 korrik, në përgjigje të sulmeve me raketa nga militantët e Hamasit, që kontrollojnë Gazën.
Dhuna është përshkallëzuar pas vrasjes së tre adoleshentëve izraelitë në Bregun Perëndimor dhe më pas vrasjes së një të riu palestinez në Jerusalemin lindor.
