Bashkimi Evropian i ka hequr emrat e tetë zyrtarëve të Bjellorusisë nga lista e sanksioneve për shkak të abuzimeve të të drejtave të njeriut.
Megjithatë, një emër i ri i është shtuar listës.
Gjithsej 225 individë, përfshirë presidentin e Bjellorusisë, Aleksandr Lukashenka, aktualisht janë subjekt i ndalimit të udhëtimit, ndërsa 25 kompanive u janë bllokuar pasuritë.
Kjo listë e zezë ishte përpiluar në janar të vitit 2011, pas një goditjeje brutale të policisë në Bjellorusi, kundër protestuesve, pas zgjedhjeve presidenciale në vitin 2010.