Pesëdhjetë raste të reja të Ebolës apo etheve hemorragjike dhe 25 vdekje janë raportuar në Sierra Leone, Liberi dhe Guinea prej 3 korrikut derisa virusi vdekjeprurës po përhapet nëpër familje, ka njoftuar Organizata Botërore e Shëndetësisë.
Përmes një deklarate, kjo agjenci e Kombeve të Bashkuara ka thënë se të dhënat e fundit nga ministritë e shëndetësisë në këto tri shtete kanë treguar se ka 844 raste dhe 518 vdekje si pasojë e kësaj epidemie e cila ka filluar në muajin shkurt.