Kompania shtetërore ruse e gazit, Gazprom ka thënë se faturës së pa paguar e Ukrainës ndaj saj i janë shtuar edhe 838 milionë dollarë, pasi Kievi nuk ka paguar asgjë gjatë muajit qershor.
Shefi i Gazpromit, Aleksei Miller, ka thënë sot se borgji i përgjithshëm i Ukrainës tash ka arritur në gati 5.3 miliardë dollarë.
Miller ka thënë se mosgatishmëria e Ukrainës që të paguaj për gazin rus tregon se tranzicioni drejt sistemit të parapagimit është “vendimi i vetëm i drejt”.
Fatura e re është llogaritur duke marrë si çmim 485 dollarë për 1 mijë metër kub, vendim ky që është marrë në muajin prill
Ukraina ka thënë se pajtohet ta paguaj borgjin vetëm nëse paguan 326 dollarë për 1 mijë metër kub.
Më 16 qershor, Gazpromi ka ndërperë furnizimin me gaz për Ukrainën ndërsa ka njoftuar se në të ardhmen, Kievi duhet të paguaj para-prakisht për çfarëdo furnizimi.