Një zëdhënës i operacionit ushtarak në lindje të Ukrainës ka thënë se forcat qeveritare kanë vrarë 150 militantë pranë qytetit Mikolaivka, në rajonin e Donjeckut.
Oleksiy Dmytrashkivskiy ka thënë se një ushtar ukrainas është vrarë dhe katër të tjerë janë plagosur në luftimet që kanë nisur mbrëmjen e tre korrikut.
Në një tjetër zhvillim, Shtëpia e Bardhë ka bërë të ditur se nënpresidenti i Shteteve të Bashkuara, Joe Biden, ka biseduar në telefon me presidentin e Ukrainës, Petro Poroshenko, rreth përpjekjeve diplomatike për armëpushim në lindje të Ukrainës.
Biden po ashtu ka kërcënuar me sanksione të reja kundër Rusisë, nëse ajo nuk ndalon së mbështeturi separatistët.
