Turqia mund të "braktis" internetin

Bota

Turqia mund të "braktis" internetin

Më: 20 prill 2014 Në ora: 20:33

Ministri turk i transportit rrugor, detar dhe i komunikimit, Lutfi Elvan ka bërë me dije sot se Turqia mund ta braktis internetin. Kjo, pasi mund të krijohet një protokoll kombëtar i koduar me shkronjat 'ttt' në vend shkronjave të përdorura rregullisht 'www', të cilat vlejnë për tërë botën.

Sipas një publikimi të ri nga gazeta turke, Hurriyet Daily News thuhet se ministri turk Elvan e ka mbrojtur veprimin duke thënë se disa vende të BE-së tashmë e kanë konsideruar idenë e krijimit të "protokollit kombëtar të internetit."

Ai më vazhdoi të shpjegojë se si do të bëhej kjo në Turqi. “Në vend të “www”, një sistem i ri me “ttt” mund të formohet. Turqia dhe vendet e tjera mund t’i krijojnë domenet e tyre. Një masë e tillë do ti shkëpuste sistemet e internetit nga njëri-tjetri. Kjo është një çështje e diskutueshme. "

Elvan gjithashtu ka thënë se duhet të bëhet, ajo që ai e quan një "konventë ndërkombëtare", me qëllim të frenimit të asaj që ai e sheh si "mungesa e kontrollit mbi mediat sociale."

Sot mund të lexoni Shfletoni kopertinat