Rezultatet e reja të pjesërishme të zgjedhjeve presidenciale në Afganisan, tregojnë se kandidati, Abdullah Abdullah, është i pari, por me gjasë mund të pritet edhe rundi i dytë i votimeve.
Ahmad Yousuf Nuristani, kryesues i Komisionit të Pavarur Zgjedhor të Afganistanit, këto rezultate i ka shpallur sot dhe ato paraqesin afro shtatë milionë fletëvotime, nga zgjedhjet e mbajtura më 5 prill.
Abdullah Abdullah ka 44% të votave të numëruara.
Rivali i tij më i afërt, Ashraf Ghani, ka marrë 33.2% të votave.
Pritet që rezultatet përfundimtare të shpallen më 14 maj.
