Rusi: Zyrtari kërkon falje për komentet për Kazakistanin

Bota

Rusi: Zyrtari kërkon falje për komentet për Kazakistanin

Më: 12 prill 2014 Në ora: 18:50

Kryetari i Parlamentit në republikën ruse Khakassia, Vladimir Shtygashev, ka kërkuar falje për deklaratën e tij lidhur me të drejtën e Moskës për t’i pasur në “pronësi” territoret në Kazakistan.
Ai sot ka thënë se fjalët e tij janë keqinterpretuar dhe se “sinqerisht kërkon falje” nga çdokush i ofenduar nga kjo deklaratë.
Raportet në media më herët kanë thënë se Shtygashev, në fillim të kësaj jave, kishte deklaruar se disa territore, që ishin pjesë e Federatës Ruse, e që i janë dhënë Kazakistanit, mund t’i kthehen Rusisë me anë të referendumeve.
Ministria e jashtme e Kazakistanit e ka ftuar ambasadorin rus në këtë vend për ta shpjeguar deklaratën e Shtygashevit.
Ministria e jashtme e Rusisë tha se ishin disa komente “të papërgjegjshme” të bëra nga “disa përfaqësues të organeve rajonale të Rusisë lidhur me aspekte historike të marrëdhënieve ruso - kazake”.

Sot mund të lexoni Shfletoni kopertinat