Ligjvënësit separatistë të Krimesë kanë votuar për miratimin e kushtetutës së “Republikës Ruse të Krimesë”.
Të 88 deputetët që kanë qenë prezentë, kanë votuar në favor të dokumentit.
Legjislatura e Krimesë ka 100 anëtarë.
Kushtetuta e sapomiratuar thotë se Krimeja është pjesë integrale e Rusisë.
Aneksimi i gadishullit ukrainas të Krimesë nga ana e Moskës, muajin e kaluar, nuk është njohur ndërkombëtarisht.
Vendet perëndimore kanë akuzuar Rusinë për përvetësim të paligjshëm të territorit.
Kushtetuta thotë se në Krime do të ketë tri gjuhë shtetërore: ruse, ukrainase dhe ajo e tatarëve krimeanë.
Ligjvënësit krimeanë po ashtu kanë caktuar 14 shtatorin si datë për zgjedhje të reja parlamentare.
