Ministrja e Jashtme e Gjeorgjisë, Maia Panjikidze, ka thënë se vendi i saj do të nënshkruajë një marrëveshje asociimi me Bashkimin Evropian në muajin qershor.
Duke folur të enjten në Berlin, në një konferencë të përbashkët për media me homologun gjerman, Frank-Walter Steinmeier, Panjikidze ka thënë se ka siguruar ministrin e Jashtëm të Gjermanisë se Gjeogjia do të jetë e gatshme të nënshkruajë marrëveshjen në qershor “më së voni”.
Steinmeir ka thënë se kriza në Ukrainë nuk do të ketë ndonjë ndikim në nënshkrimin e marrëveshjes midis BE-së dhe Gjeorgjisë.
Për paktin me Gjeorgjinë dhe Moldavinë është rënë dakord në muajin nëntor, në një samit të Partneritetit Lindor që është mbajtur në Vilnius.
