Sekretari i përgjithshëm i Kombeve të Bashkuara, Ban Ki-moon, ka dënuar vrasjen e një prifti holandez në Siri, duke e cilësuar atë si “akt çnjerëzor të dhunës”.
Frans van der Lugt, 75 vjeç, ka jetuar në Siri qysh në fillim të viteve 1970.
Persona të armatosur e kanë marrë atë nga shtëpia e tij të hënën dhe e kanë qëlluar për vdekje.
Zëdhënësi i sekretarit Ban, Stephane Dujarric, ka thënë se shefi i OKB-së kërkon që palët ndërluftuese dhe mbështetësit e tyre të sigurojnë se civilët janë të mbrojtur, pavarësisht nga feja, komuniteti apo përkatësia etnike.
Van der Lugt ka paralajmëruar për vuajtje humanitare të popullatës në qytetin Homs.
