Zvicra përgatitet për trazira në Evropë - Bota Sot
Zvicra përgatitet për trazira në Evropë

Bota

E mërkurë, 24 gusht 2016

Zvicra përgatitet për trazira në Evropë

Më: 17 tetor 2012 Në ora: 21:24

Përkundër faktit se Zvicra nuk është anëtare e BE-së, as e eurozonës, për shkak të krizës në eurozonë dhe demonstratave të shumta kundër masave të kursimit, ushtria e Zvicrës po përgatitet për trazira të mundshme.
Manovra ushtarake “Stabile Duo”, e cila u zhvillua muajin e kaluar dhe në të cilën morën pjesë 2 mijë ushtarë, kishte për qëllim të sigurojë që ushtria, në rast nevoje, të jetë në gjendje të reagojë me shpejtësi ndaj trazirave të brendshme apo valës potenciale të refugjatëve nga shtetet si Greqia, Spanja, Italia, Franca dhe Portugalia, shkuan gazeta e përditshme austriake “Der Standard”.

Në manovra morën pjesë këmbësoria, por edhe aviacioni ushtarak dhe njësitë speciale.

Ministria zvicerane e Mbrojtjes niset nga ajo se ushtria e saj do të jetë e nevojshme gjatë viteve në vijim, ngase siguria në shtetet të cilat aktualisht janë të detyruara të ndërmarrin masa të kursimit, do të bie dukshëm, pasi që nuk do të kenë para për të financuar ushtritë e tyre.

“Nëse këto shtete nuk do të jenë më në gjendje të mbrohen, situata do të ashpërsohet në tërë Evropën”, deklaroi ministri zviceran i mbrojtjes, Uli Marer.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test