Ish-presidentja e Filipineve, Gloria Macapagal Arroyo është arrestuar sot nën dyshimet për plaçkitje.
Policia thotë se Arroyo është arrestuar nën akuzat për thurjen e një konspiracioni për të plaçkitur rreth 9 milionë dollarë nga fondet e një lotarie shtetërore.
Arroyo do të qëndrojë përkohësisht në Qendrën Mjekësore të Veteranëve, për shkak të problemeve me tension dhe dehidrim.
Ky është urdhër arresti i tretë i lëshuar kundër Arroyos, e cila është liruar me kusht në muajin korrik, pasi kishte kaluar tetë muaj në qendrat e ndalimit të të njejtit spital, nën akuzat për mashtrim gjatë zgjedhjeve.