Qindra njerëz janë mbledhur në një kishë për të kujtuar deputeten britanike, Jo Cox, e cila vdiq pas sulmit të djeshëm.
Qytetarët janë mbledhur në një kishë në Birstall, West Yorkshire të enjten në mbrëmje, ndërsa përkujtime për deputeten janë bërë edhe jashtë parlamentit.
Burri i deputetes britanike tha se nëna e dy fëmijëve të tij kishte luftuar për një botë më të mirë, shkruan BBC, transmeton KosovaPress.
Një 52 vjeçar është arrestuar mbrëmë, si i dyshuar për këtë rast.
Sulmi ndodhi dje, kur deputetja britanike po mbante një tubim për të bërë thirrje për qëndrim të Britanisë në BE.