Mijëra njerëz ishin mbledhur për ta pritur Princin Harry, në Sidney, para shtëpisë së Operës të enjten. Por, më karakteristikja ishte prania e një femre bionde edhe cila në duar mbante një letër, ku i kërkonte princit që të martohet me të. Dhe kjo nuk ishte e tëra. Kur Princi Harry shkoi për ta përshëndetur, zonja Victoria McRae i kërkoi që ta puthë në faqe dhe si përfundim e puthi në buzë.
Princi ishte mjaft i kënaqur me pritjen që iu bë në Sidney. Ndërsa, i pyetur për puthjen e zonjës, ai tha se “Unë mora më shumë se një puthje”. M.L.