Gjithmonë e më shumë Madonna po i përdor koncertet e saj për të dhënë mesazhe me natyrë politike ose sociale.
Sikur të mos mjaftonte fakti që nxjerr gjoksin ose të pasmet në koncert apo që e quan Barack Obama-n një mysliman, Madonna ka vendosur që të bëjë një striptizëm si mbështetje për 14 vjeçaren Malala Yousafzai, që u qëllua nga talibanët vetëm pse kërkon që vajzat të shkollohen.
Ajo u qëllua në autobusin e shkollës vetëm pse mban një blog ku thekson sa i rëndësishëm është arsimi. Tani po lufton me jetën.
Përpara se të zhvishej në mbështetje të 14-vjeçares, Madonna tha se lajmi për 14 vjeçaren e kishte bërë atë që të qante.
“Talibanët ndaluan autobusin e saj dhe e qëlluan. E kuptoni sa e sëmurë dhe absurde është një gjë e tillë,” tha Madonna.
“Kjo këngë është për të,” tha Madonna përpara se të këndonte ‘Human Nature’.