Yje të mëdha botërore janë paraqitur në evenimentin e njohur si “UNICEF Summer Gala” në Porto Cerva të Italisë që u zhvillua të premten mbrëma.
Spektaklin e vodhi Rita Ora, e cila kishte veshur një fustan shumëngjyrësh, që vinte në pah bukurinë e saj.
Kolegia e saj 40-vjeçare, Nicole Scherzinger, ishte ndër yjet tjera që janë vlerësuar për veshjen në këtë ndejë.
Sa u përket modeleve, ajo që shkëlqeu ishte Emily Ratajkowski, e cila kishte veshur një fustan të zi, vende-vende të tejdukshëm.
Heidi Klum, Shanina Shaik e Michelle Rodriguez ishin bukuroshet tjera që janë vlerësuar për veshjet e tyre.
Rita, e cila ka qëndruar për pushime në Sardinia, ishte ylli kryesor i mbrëmjes, ndërsa është përpjekur të shoqërohet me sa më shumë të pranishëm.
Këngëtarja shqiptare me famë botërore është edhe Ambasadore e vullnetit të mirë e UNICEF-it.
Pati thashetheme se Rita nuk kishte veshur të brendshme, mirëpo fotografitë treguan se ajo kishte veshur një palë brekë të holla për të mbrojtur modestinë e saj.
Më pas, këngëtarja kishte veshur një fustan të bardhë për të interpretuar në skenë.
