Mariah Carey është akoma në formë.
Këngëtarja 47 vjeçare së fundmi ka pozuar për kopertinën e revistës V e ku duket mrekullueshëm dhe në formë shumë të mirë fizike.
Ishte vetë këngëtarja ajo që ka postuar disa fotografi nga ky fotosesion në llogarinë e saj në Instagram,
Carey duket se ka realizuar disa fotografi e në disa prej tyre ajo shihet e veshur me rroba të brendshme, geta si rrjetë dhe peliçe e bizhuteri të ekzagjeruara por pa dyshim se duket shumë “hot”.
Këto fotografi vijnë disa muaj pas raportimeve se ylli i hitit “Hero” i ishte nënshtruar një operimi kirurgjik për humbje të peshës.
Këngëtarja ka kryer operimin e ngushtimit të lukthit, që mundëson që pacientët të hanë më pak, pasi ajo ndjehej “tepër e pasigurtë për peshën e saj”.
“Ajo gjithmonë ndihej e pasigurtë për peshën e saj dhe kjo e bënte atë që të mërzitet. Ajo jetonte në mohim në lidhje me peshën e saj, Mariag priste vazhdimisht etiketat nga rrobat e saj, që të mos kujtohej për peshën e saj”, kishte thënë një person shumë i afërt me këngëtaren.
Ndërsa këngëtarja në vitin 2016 kishte folur edhe vetë për përpjekjet e saj për të humbur peshë.
“Nëse dikush nuk më thotë asgjë për peshën time, atëherë unë thjesht nuk do të mendoj për të. Nuk jam kaq e obsesionuar me këtë gjë”, kishte thënë ajo për ET.
