Këngëtarja shqiptare me famë botërore Rita Ora, ka dhuruar mbrëmë një koncert madhështor në qiell të hapur në Prishtinë, për nder të 10 vjetorit të pavarësisë së Kosovës.
Koncerti i saj nuk i ka ikur as gazetës më të madhe britanike Daily Mail, e cila në një artikull të veçantë, ka shkruar se Rita Ora, nuk i ka zhgënjyer fansat e saj shqiptarë të shtunën, përcjell Bota sot.
Ylli i hitit “Anywhere”, sipas Daily Mail, ka shkëlqyer me veshjen kuq e zi, duke treguar format e saj të pabesueshme trupore.
Bukuroshja bjonde, e cila nga viti 2015, është ambasadore nderi e Kosovës, me krenari iu ka drejtuar fansave të sajj në gjuhën shqipe, duke ua uruar atyre pavarësinë.
Befasia e Ritës, ishte “Vallja e Shotës”, të cilën ajo e kishte kombinuar me hitin “Black Widow”.
Në koncertin e këngëtares shqiptare, kanë marrë pjesë rreth 300 mijë njerëz./BS
