Ashtu si i ka hije trimëreshës tonë, Donjeta Sadiku (57 kg), boksoi dhe e shkatërroi për dy runde bjellorusen Veranika Prakofyeva, duke u kualifikuar në gjysmëfinalen e Kampionatit Evropian në boks për juniore, që po mbahet në Ordu të Turqisë. Trimëresha jonë si asnjëherë ka qenë e vendosur dhe pa asnjë frikë futet në ring, duke e dërrmuar bjellorusen. Këshillat e trajnerit Besim Brahimit ishin arma më e fortë e Donjetës e cila shkëlqeu dhe i siguroi medaljen evropiane Kosovës. Kosova tani e ka në xhep medaljen bronztë, por synimi final është e arta. 'Gjyqtari e ndërpreu meçi pas tri herë Donjeta e hodhi në nokdaun rivalen", tha Brahimi.
