LeBron James është basketbollisti më i ri i Los Angeles Lakers. Mbreti ka firmosur kontratën e tij 4-vjeçare nga e cila do të përfitojë 154 milionë dollarë ndërsa ka pozuar edhe fanellën e tij të re. Edhe te Lakers LeBron do të mbajë numrin 23 mbi shpinë që është edhe i preferuari i tij.
Presidenti i skuadrës së dytë më të titulluar në NBA me 16 tituj kampionë, Magic Johnson e ka cilësuar si një hap të madh për skuadrën afrimin e James ndërsa shtoi se LeBron është aktualisht basketbollisti më i mirë në qarkullim.