Javë me derbi në basketboll

Basketboll

Javë me derbi në basketboll

Më: 23 mars 2018 Në ora: 17:12
Topi i basketbollit

Java e 24-të në IP Superligën e Kosovës në basketboll do të startoj sot me ndeshjen që do të zhvillohet në Pallatin e Rinisë dhe Sporteve në kryeqytet ndërmjet Kerasan Prishtinës dhe Sigal Prishtinës. Ky takim do të zhvillohet nga ora 19:30.

Ndërkaq të shtunën në program janë dy takime të tjera, Golden Eagle Ylli-Trepça (19:00) dhe Bashkimi – Rahoveci (19:30). Në të dyja këto ndeshje pritet rivalitet i madh dhe varësisht nga rezultatet, skuadrat do të jenë më afër kuptimit se nga cilat pozita do të startojnë në “play-off” apo edhe a do të hyjnë në “play-off”.

Të dielën në Pejë është takimi i fundit i kësaj xhiroje, ai në mes Pejës dhe Boreas që do të luhet në “Karagaçi” duke filluar nga ora 17:30.

Të dyja ekipit pritet të japin maksimumin për të shënuar fitore, e cila edhe do t’i jepte shpresë për t’i ikur “play-out”-it.

Sot mund të lexoni Shfletoni kopertinat