Një shpërthim i fuqishëm ka goditur një restorant në qytetin Sapporo, në Japoninë Veriore. Sipas “BBC”, policia japoneze ka konfirmuar deri më tani 41 të plagosur nga shpërthimi dhe zjarri që e pasoi. Të paktën një prej të plagosurve është në gjendje kritike për jetën.
Shkaku i shpërthimit të distriktin Toyohira nuk dihet ende. Ka raporte ende të pakonfirmuara, sipas të cilave kemi të bëjmë me një shpërthim gazi.
Në pamjet e publikuara në median sociale u panë flakë të fuqishme dhe mbetje që fluturonin në ajër. Policia vendosi kordon sigurie në zonë nga frika e shpërthimeve të tjera. Televizioni japonez NHK tha se shpërthimi ka dëmtuar edhe banesa.