Sulme vdekjeprurëse në Afganistan pas shpalljes së armëpushimit - Bota Sot
Sulme vdekjeprurëse në Afganistan pas shpalljes së armëpushimit

Azia

E diel, 24 qershor 2018

Sulme vdekjeprurëse në Afganistan pas shpalljes së armëpushimit

Më: 8 qershor 2018 Në ora: 14:49
Foto ilustrim

Militantët kanë kryer disa sulme vdekjeprurëse në Afganistan, një ditë pasi qeveria ka shpallur armëpushim të njëanshëm me talibanët, i cili do të hyjë në fuqi javën e ardhshme.

Në provincën lindore Nangarhar, miitantët sulmuan shtëpinë e një ligjvënësi, duke lënë tre veta të vdekur.

Përgjegjësinë për këtë sulm e morën militantët e Shtetit Islamik.

Në provincën perëndimore të Heratit, së paku dy persona u vranë pasi persona të armatosur sulmuan një xhami në rrethin Shindand.

Zyrtarët thanë se militantët e Shtetit Islamik kanë vrarë pesë policë në provincën Jovzjan.

Të enjten, presidenti i Afganistanit, Ashraf Ghani, shpalli armëpushim me kryengritësit talibanë nga data 12 deri më 20 qershor, kur të kenë përfunduar edhe Muaji i Ramazanit dhe Festa e Bajramit.

Ghani tha se armëpushimi nuk do të përfshijë Shtetin Islamik, Al Kaidën dhe “grupet e tjera terroriste ndërkombëtare”.

Sot mund të lexoni Shfletoni kopertinat
Sondazh
test