Presidenti i Koresë Jugore, Moon Jae ka thënë që është shumë herët për të qenë optimist për arritjen e paqes në mes të dy Koreve.
“Ne jemi vetëm në pikën fillestare”, u shpreh ai, pasi kohët e fundit Koreja Veriore dhe ajo Jugore kanë ‘zbutur’ paksa marrëdhëniet.
Jae po ashtu ka mohuar zërat se është arritur një marrëveshje e fshehur, në këmbim që vendi komunist të ulet në tavolinën e negociatave.
Lideri i Koresë Jugore ka folur për rëndësinë që ka për vendin e tyre mbajtja e marrëdhënieve të mira me SHBA-në.
“Besoj që Koreja Veriore do të lirohet nga armët nukleare, vetëm atëherë kur SHBA dhe Koreja Jugore të mbajnë një qëndrim të njëjte mbi këtë temë”, u shpreh ai, raportojnë mediat ndërkombëtare.
