Persona të armatosur sulmojnë stacionin televiziv në Kabul

Azia

Persona të armatosur sulmojnë stacionin televiziv në Kabul

Më: 7 nëntor 2017 Në ora: 08:39
Kabul, 7 nëntor 2017

Persona të armatosur sulmuan një stacion televiziv privat në Kabul, konfirmoi për Radion Evropa e Lirë policia afgane.

Shumë pjesëtarë të stafit ndodhen në ndërtesë, ndërsa sulmi vazhdon.

Dëshmitarët thanë se së paku tre sulmues kanë hyrë në ndërtesën e Televizionit Shamshad, i cili transmeton në gjuhën Pashto.

“I kam parë tre sulmues në kamerat e sigurisë, duke hyrë në ndërtesën e televizionit”, tha gazetari Faisal Zaland, i cili ka arritur të dalë.

Detaje të tjera nuk ka ende në dispozicion.

Sot mund të lexoni Shfletoni kopertinat