Dhjetra luftëtarë të opozitës dhe familjet e tyre janë evakuuar nga qyteti Homs në Siri, zona e fundit që ishte nën kontrollin e kryengritësve, siç njofton media private, përfshirë kanalin televiziv sirian, al-Ikhbariyha.
Mbi 300 vetë u dërguan në veri të vendit me 22 autobuza në valën e tretë të evakuimeve nga distrikti në dy javë.
Ndryshe nga dy evakuimet e mëparshme në të cilat luftëtarët dhe familjet e tyre u drejtuan në një qytet në kufi me Turqinë, të evakuuarit e sotëm u nisën për në provincën veriperëndimore të Idlibit që është nën kontrollin e kryengritësve.
Evakuimi është pjesë e një marrëveshjeje për t’ia dhënë kontrollin e distriktit al-Waer qeverisë./voa