Vajza siriane në “Twitter” tregonte vazhdimisht se çfarë po ndodh në Aleppo, për shokët dhe shoqet që i vriteshin nga bombardimet
Një vajzë e vogël nga Aleppo, e cila u bë e njohur mbarë botën me postimet e saj në rrjetin social “Twitter” nga shtëpia e saj para se ajo t’i shkatërrohej, tanimë është larguar e sigurt nga qyteti sirian e Aleppo.
Shtatëvjeçarja Bana Alabed ka postuar në “Twitter” me ndihmën e nënës së saj që tregonte se gjendeshin në një zonë të mbyllur në lindje të Aleppos.
Megjithëse e ëma e vajzës kishte treguar se rrezikoheshin nga forcat proqeveritare siriane për shkak të përmbajtës së postimeve të tyre, sot është bërë i ditur evakuimi i shtatë vjeçares dhe shumë fëmijëve të tjerë sirianë.
Vajza siriane në “Twitter” tregonte vazhdimisht se çfarë po ndodh në Aleppo, për shokët dhe shoqet që i vriteshin nga bombardimet.
Ajo kërkonte ndihmë për ndërhyrje nga fuqitë ndërkombëtare dhe t’i shpëtonin banorët e Aleppos, të cilët në çdo çast prisnin vdekjen dhe u kërkonte liderit të Sirisë, Bashar al-Assad dhe atij të Rusisë, Vladimir Putin t’i ndalnin bombardimet në Aleppo.