2016, viti i dobësimit për “kalifatin” e ISIS-it

Azia

2016, viti i dobësimit për “kalifatin” e ISIS-it

Më: 17 dhjetor 2016 Në ora: 23:24
Ilustrim

Ofensiva tokësore kundër bastioneve të tij, një valë sulmesh ajrore mbi bazat, luftëtarë të vrarë, “kalifati” i grupit militant Shteti Islamik (ISIS) ka pësuar humbje të mëdha në 2016 por mbetet sërish një kërcimin global.

Xhihadistët aktualisht nuk zotërojnë më shumë se gjysmën e territorit që kur u shfaqën në 2014 në Irak dhe në Siri dhe kanë shënuar humbjet më të mëdha këtë vit kundrejt një shifre në rritje të forcave dhe vendeve në koalicion kundër tyre.

“Gati tre milionë persona dhe më shumë se 44.000 kilometra katror të territorit u çliruan nga dominimi i ISIS-it në 2016”, njoftoi sot gjenerali amerikan, Steve Townsend, që udhëheq koalicionin ndërkombëtar antixhihadist, transmeton atsh.

Grupi ultraradikal sunit humbi Falluxhan, qytet simbol në Irak si dhe Dabiq, qyteti sirian dhe gur themeli i mitologjisë. Në terma strategjikë ISIS-i u dëbua nga Ramadi, kryeqendra e provincës më të madhe perëndimore të Al-Anbar-it në Irak, dhe Minbej në Siri, zona të rëndësishme për vazhdimësinë territoriale të “kalifatit” të tij.

Sot mund të lexoni Shfletoni kopertinat