Kinezët e adhurojnë presidentin e tyre dhe dëshirojnë t’i japin një rol edhe më qendror, sipas një sondazhi të publikuar nga media shtetërore, ndërkohë që Xi Jinping përpiqet të konsolidojë pushtetin e tij në krye të vendit.
“Tribuna e Popullit”, reviste e lidhur me të “Përditshmen e Popullit”, organ zyrtar i Partisë Komuniste Kineze, publikoi këtë javë rezultatet e një anketimi të zhvilluar në rreth 15 000 persona.
Sipas këtij sondazhi, personat e pyetur gjykojnë se “rritja e një vendi të madh kërkon një president të fortë me rol qendror”.
“Një formulë që mund të sjellë supremacinë e një lideri unik”, sipas analistëve, ndërkohë që pushteti në Partinë Komuniste Kineze është kolegjial që prej vdekjes në vitin 1976 të të gjithëpushtetshmit Mao Ce Dun.