Osama Mohsen, trajneri sirian i cili u bë i famshëm pasi u pengua nga një gazetare hungareze teksa ndiqej nga policia, mesa duket i ka rënë të mirës me shkelm.
Të gjithë e kujtojnë skenën e një viti më parë, kur Petra Lazlo, një gazetare hungareze e N1Tv, po filmonte emigrantët në Roske ndërsa ata ndiqeshin nga policia teksa përpiqeshin të kalonin kufirin me Serbinë.
Në mesin e tyre ndodhej edhe Osama Abdul Mohsen, siriani 52 vjeçar së bashku me djalin 7 vjeç, Zaid. Teksa Osama i cili në vendin e tij punonte si trajner i një ekipi futbolli po përpiqej t’i shpëtonte policisë, gazetarja e pengon dhe e rrëzon.
Pas kësaj ngjarjeje që tërhoqi vëmendjen e mbarë opinionit botëror, Osamës iu ofrua punë nga spanjolli Angel Galan, presidenti i një shkolle futbolli në Cenafe.
Por kur ka kaluar 1 vit, Galan ka vendosur të mos e rinovojë kontratën me Osamën, pasi ky i fundit nuk ka qenë produktiv në punë. Sipas Galan, ai e kalonte gjithë ditën para kompjuterit pa bërë asgjë.
