Rivalitet në atletikë

Atletika

Rivalitet në atletikë

Më: 29 janar 2018 Në ora: 18:56
Pamje nga gara

Në stadiumin “Elbasan Arena” u zhvilluan sot garat e Kampionatit Individual Dimëror të atletikës, aktiviteti i parë sezonal organizuar nga Federata Shqiptare e Atletikës. Në këtë event, më së shumti testues, morën pjesë 172 sportistë nga të gjitha skuadrat në vend, por nuk munguan edhe mjaft atletë nga Kosova (46 të tillë). Ekipet që morën pjesë në këtë kampionat ishin: Skënderbeu, Vllaznia, Mjeshtëria Sportive Durrës, Tirana, Teuta, Partizani, Dinamo, Elbasani, Dinamo 2010, Skampa Sport dhe Fortus.

Në përfundim të garave, sportisti më i mirë i këtij aktiviteti për meshkuj u shpall atleti shkodran i Vllaznisë, Izmir Smajlaj, ndërsa për femra sportistja më e mirë e kampionatit doli Relaksa Dauti e Tiranës. Drejtuesit e FSHA-së u shprehën të kënaqur me rezultatet e arritura, duke i konsideruar ato si një test të mirë në prag të eventeve të para ndërkombëtare, siç është Ballkaniada e sallave të mbyllura, që zhvillohet pas dy javësh në Stamboll (Turqi).

Nga nje gare atletike ne Elbasan

Fituesit – Meshkuj

60m, Aldi Hoxha (Tirana), 7”14

60m/p, Ravio Rama (Vllaznia), 8”56

400m, Franko Burraj (Vllaznia), 49”27

800m, Marko Makaj (Tirana), 1’55”02

1500m, Marko Makaj (Tirana), 4’29”66

3000m, Andris Tarazhi (Teuta), 10’19”80

3-hapësh, Gledis Halluni (Vllaznia), 14.56 metra

Gjyle, Azgan Zeka (Teuta) 15.11 metra

Së gjati, Izmir Smajlaj (Vllaznia), 7.60 metra

Së larti, Anderson Caco (Skënderbeu), 1.65 metra

Sportisti më i mirë: Izmir Smajlaj (Vllaznia), 1051 pikë

Fitueset – Femra

60m, Iveta Urshini (Skënderbeu), 7”89

60m/p, Uibi Ahmet (Skënderbeu), 10”22

400m, Iliana Beqiri (Tirana), 1’01”27

800m, Relaksa Dauti (Tirana), 2’16”19

3-hapësh, Dorina Myrto (Teuta), 10.35 metra

Gjyle, Pamela Asllani (Dinamo 2010), 9.64 metra

Së gjati, Joana Hazisllari (Teuta), 5.16 metra

Së larti, Sindi Prifti (Dinamo 2010), 1.45 metra

1500m, Redia Dauti (Tirana), 5’05”08

3000m, Olesia Kamberi (Fortus), 11’25”11

Sportistja më e mirë: Relaksa Dauti (Tirana), 934 pikë

Sot mund të lexoni Shfletoni kopertinat