Atletët përgatiten në Ulqin - Bota Sot
Atletët përgatiten në Ulqin

Atletika

E enjte, 21 qershor 2018

Atletët përgatiten në Ulqin

Më: 4 janar 2018 Në ora: 11:54
Pamje nga një garë

Atletët e kombëtares së Kosovës kanë filluar përgatitjet në Ulqin në kërkim të ngritjes së aftësive fizike. “Në këto përgatitje që kanë filluar të mbahen në këtë vit janë duke marrë pjesë 43 atlet dhe trajnerët e kombëtares.
Federata Atletike e Kosovës ka si vizion që në vitin 2018 të krijoj kushte për ngritjen e performancës së atletëve në rezultate të nivelit ndërkombëtarë kryesisht në disiplinat e dëshmuara dhe ngritja e performancës në disiplina tjera, ndërkaq kemi si mision: Krijimin e një sistemi të qëndrueshëm të performancës së lartë të atletëve. Ngritja e performancës së atletëve do të jetë punë e vazhdueshme me të cilën jemi duke u marr seriozisht me të gjitha kapacitetet tona. Qëllimi yni gjatë viteve të ardhshme do të jetë rritja e numrit të atletëve elitë si dhe masat që duhet ndërmarrë për të zhvilluar edhe më tej performancën e tyre. Jemi duke krijuar kushte profesionale për përparimin e atletëve në rezultat që gjatë viteve të na përfaqësojnë denjësisht në garat ndërkombëtare .
përveçse që kemi hartuar një program për atletët elitar Federata Atletike ka edhe planin strategjik edhe për organizimin e kampeve për të rinj ku duhet të jetë një vazhdimësi e praktikumit në vitet e ardhshme, por me një program të mirëfilltë. Kampet stërvitore kanë rëndësi të shumëfishtë për atletët e rinj.
Motivimi dhe përkushtimi për sportin e atletikës për të ngritur njohuritë dhe rezultatin në këtë sport është i madh. Në vitet në vijim organizimi i kampeve duhet të bëhet duke pasur parasysh numrin e pjesëmarrësve, numrin e kampeve të organizuara gjatë një viti, programin në kamp etj.”, thuhet nga Federata Atletike e Kosovës.

Komentet
comments powered by Disqus
Sot mund të lexoni Shfletoni kopertinat
Sondazh
test