Rasti që bëri bujë: Familjes shqiptare do i kthehen 57.230 dollarë

Amerika

Rasti që bëri bujë: Familjes shqiptare do i kthehen 57.230 dollarë

Më: 9 qershor 2018 Në ora: 11:23
Rustem Kazazi

Ky rast bëri shumë bujë në Shtetet e Bashkuara të Amerikës. Rustem Kazazi, një shqiptar që emigroi në SHBA në vitin 2005, punoi fort me familjen e tij për të kursyer para.

Qëllimi ishte që të shisnin shtëpinë e vjetër dhe të blinin një shtëpi në plazh në Adriatik.

Por qeveria amerikane ua sekuestroi 58 mijë dollarët që po sillnin në Shqipëri.

Pavarësisht se kishin punuar nga dy-tre punë dhe ngisnin makina të vjetra, edhe pse kishin kursyer çdo cent dhe nuk kishin pasur kurrë televizion kabllor, familjes ia morën paratë duke supozuar se ishin të fituara nga aktivitete të dyshimta.

Megjithatë tani është marrë vendimi që Kazazit do i kthehen paratë, por jo 58 mijë dollarë, por vetëm 57.230.

Familja nuk e di se çfarë është bërë me pjesën tjetër, por thotë se do të luftojë për të fituar edhe atë.

Ata thonë se kanë humbur besimin që kishin pasur tek Amerika.

Sot mund të lexoni Shfletoni kopertinat