Trump i kërkon Spanjës ndërtimin e një muri kundër migrantëve

Amerika

Trump i kërkon Spanjës ndërtimin e një muri kundër migrantëve

Më: 20 shtator 2018 Në ora: 14:01
Presidenti i SHBA-së, Donald Trump

Presidenti i SHBA-së, Donald Trump, i ka sugjeruar Spanjës ndërtimin e një muri kundër migrantëve në shkretëtirën e Saharasë, deklaroi ministri i Jashtëm spanjoll, Josep Borrell.

Rekomandimi i Trumpit daton në qershor, kur ministri Borrelli shoqëroi mbretin Felipe dhe mbretëreshën Letizia në Shtëpinë e Bardhë.

”Kur diplomatët spanjollë i vunë në dukje presidentit problemet e migrantëve dhe se Sahara shtrihej për gati 5.000 kilometra, Trump tha se kufiri me Sahara nuk mund të ishte më e gjatë se kufiri SHBA-Meksikë”, tha ai.

Trump premtoi ndërtimin e një muri me Meksikën për të bllokuar imigracionin në kufirin mes dy vendeve, që është i gjatë pak më shumë se 4.000 kilometra.

Një plan i tillë do të ishte i vështirë të arrihej për Spanjën, që nuk mund të ndërtojë mur jashtë territorit të vendit.

commentFirst article
Sot mund të lexoni Shfletoni kopertinat