Shtatë persona kanë humbur jetën si pasojë e përplasjes së një autobusi me një kamion në shtetin e New Mexico, në juglindje të SHBA.
Bilanci pritet të rëndohet, për shkak se një pjesë e mirë e 49 personave që ndodheshin në autobus, mes tyre fëmijë, janë shtruar në spital, në gjendje të rëndë.
Autobusi i përkiste flotës së kompanisë historike amerikane të transportit “Greyhound”.
Autobusi ishte nisur nga qyteti i St. Louis drejt Los Angeles.
Nga rindërtimi i ngjarjes, mësohet se kamioni doli në korsinë e gabuar, duke u përplasur me autobusin.
Lidhur me aksidentin e ndodhur pasditen e kësaj të enjteje, hetimet janë në vijim.
