SHBA, kapen 6 tonë kokainë

Amerika

SHBA, kapen 6 tonë kokainë

Më: 12 maj 2018 Në ora: 06:36
Ilustrim

Gjatë një operacioni që zgjati 20 ditë, Roja Bregdetare e Shteteve të Bashkuara ka konfiskuar 6 tonë kokainë. Ngarkesa e kokainës u shkarkua dje në një port të shtetit Florida.

Roja Bregdetare amerikane bashkoi forcat me Kolumbinë dhe Meksikën në operacionin 20-ditor, gjatë të cilit u arrestuan 11 trafikantë që transportonin drogën me skafe dhe mjete të shpejta detare.

“Kokaina e kapur i dorëzohet DEA’s, e cila do ta paraqesë një pjesë të saj si provë për ngritjen e akuzave ndaj trafikantëve që u kapën. Ndërsa pjesa tjetër e drogës shkatërrohet”, thotë Kapiten Mark Fedor, i Rojës Bregdetare të Shteteve të Bashkuara.

Kapiten Fedor thotë se kokaina e kapur nuk duhet parë thjesht si drogë.

“Secila prej këtyre pakove përfaqëson dhunën, korrupsionin dhe paqëndrueshmërinë, në rajonin e Amerikës Qendrore që nuk i përballon dot këto fenomene. Kur shohim që këto probleme shfaqen pranë kufirit tonë jugperëndimor, e dimë se kokainë është fillesa e tyre”, thotë Kapiten Fedor.

Vlera monetare e kokainës së kapur llogaritet në 180 milionë dollarë.

commentFirst article
Sot mund të lexoni Shfletoni kopertinat