Presidenti i mëparshëm i Kubës, Raul Kastro konfirmoi sot se do të largohej në vitin 2021 nga posti i sekretarit të përgjithshëm të Partisë Komuniste të Kubës, (PCC), për t’ia lënë vendin pasardhësit të tij në Presidencë, Miguel Diaz-Canel.
”Do të vijoj t’i përkushtohem funksionit të sekretarit të parë në mandatin tim të dytë dhe të fundit i cili përfundon në vitin 2021, datë në të cilën kjo detyrë do të mbahet sërish nga presidenti i Këshillit të Shtetit dhe ministrave”, deklaroi Kastro 86 vjeç, në fjalimin e parë si ish-president mbajtur në Asamblenë Kombëtare.
